السبت، 18 ديسمبر 2021

فتح باب التسجيل لبرنامج تدريبي انا جوال لطلاب الجامعات - شركه جوال


تجربة غير شكل لكل طلاب الجامعات إذا كنت طالب سنة تانية أو تالتة

فرصتك الآن لتتحدّى حالك وتنضم لأضخم برنامج تدريبي لطلاب الجامعات في فلسطين (الدفعة الثالثة عشرة )، لتعيش جو من المتعة والترفيه، وتطوّر مهاراتك التسويقية والمهنية

↲ ما تضيّع الفرصة وانضم لفريق أنا جوال الشبابي، ما عليك إلا تزور الرابط https://bit.ly/3nhnz8c

تفاصيـل:
متطلبات المرحلة! بدنا منّك تكون هيك:
• لازم تكون بجدارتك خلصت سنة أولى جامعة.
• تعرف عالكمبيوتر وبرامجه. ولا أسهل!.
• بتحب الناس والتعامل معاهم.
• قادر اتّكتك وقتك، وجاهز لكل المهمّات اللي بنحتاجك فيها.

كيـف رح نمشي سـوا؟
• أول مراحل الجدّ: رح تزوروا مقر شركتنا الغالية علينا جوال، ورح ندللكم ما تقلقوا. ورح نبلّش نعرفكم على أجواءنا الحلوة بالشغل لتاخدوا علينا وناخد عليكم، شوية تسويق وشوية ترويج ومهارات اتصال، ولسا أكتر من هيك رح تكتشفوه بعدين لحالكم لتتجهزوا للي جاي واللي بستناكم.
• هون بنقول بلّش الجد: إجا وقت تثبت حالك وتفرجينا قدراتك، بدنا منّك تمخمخ وتفكّر شو بطلع معك من خطط ترويجية لجوال, للسوشال ميديا وللحملات والفعاليات وشو بخطر ببالك. بدنا نسمع منك ونشوفك في الميادين قدها وقدود.
• مرحلة الحساب: على قد تعبك المكافآت بتزيد. وبحفلة ختامية كبيرة رح نحتفل مع بعض بأجواء كلها حماس بأول 3 فرق تميّزوا وتفوّقوا على غيرهم وعلى نفسهم، وإنجازاتهم كانت تحكي عنهم.

شـو بتستنى!
• أول إشي إلك مكافأة مالية لكل فعالية بتشاركنا فيها.
• رح تتمتع بحزم ثري جي ودقائق مجانية كبيرة كمان.
• والمكافآت العينية والنقدية اللي ما بتخلص.
• وما بننسى التنافس بين فريقك وفرق الجامعات التانية، واللي رح يوسّع دائرة معارفك وأصدقاءك.
• ورح تكتسب خبرات ومهارات في بناء الذات والتواصل الفعال وروح الفريق.
• وكمان خبر رح يحمّسك ويفرّحك، بس تتخرج إلك حق الأولوية لتكون واحد من عيلة جوال الكبيرة;).

ليست هناك تعليقات:

إرسال تعليق

جميع الحقوق محفوظة لمدونة مدونة فرصتي 2021