الاثنين، 22 فبراير 2021

الجامعة الشعبية تنطلق للسنة الثانية (لنصنع التغيير معاً) جمعية الثقافة والفكر الحر


اعلان
الجامعة الشعبية تنطلق للسنة الثانية
لنصنع التغيير معا

ما قدرت تكمل الجامعة؟ ما قدرت تحصل على الشهادة؟ ظروفك ما سمحت باستكمال تعليمك ورغم هيك لسة في أمل

الشهادة مهمة لكن هادي الفرصة لكل حد صبية أو شاب بدهم يكملوا مشوارهم بالمعرفة والعلم والانطلاق والاكتشاف ويكونوا قادرين يأثروا بمجتمعاتهم.

العام الماضي كانت تجربتنا الأولى للجامعة الشعبية، ولنجاح التجربة قررنا أن نكمل المشوار مع شباب وصبايا جدد.

خاض الشباب والصبايا مرحلة من التعلم وعرض تجاربهم عشان يعرفوا دورهم ومكانهم في التغيير الإيجابي اللي حابين يعملوه في مجتمعاتهم، مرة بالحوار، ومرة بتبادل الخبرات بينهم ومع غيرهم، ومرات بمناقشة القضايا اللي بتهم مجتمعاتهم وكيف ممكن يكون الهم دور فيها، وكانوا جنب بعض وخطوة بخطوة مع زملاءهم من ذوي الاعاقة واللي ما حالفهم الحظ يكملوا تعليمهم فيها بشكل فعال وعكس تجاربهم والاستفادة من تجارب غيرهم من خلال العديد من الأنشطة التفاعلية اللي مرتكزة على النهج القائم على حقوق الانسان مثل:

· زيارات ميدانية لمؤسسات حقوقية.
· مجاورات تعليمية بوجود أصحاب تجارب وقصص نجاح.
· معايشات في أماكن ومؤسسات مختلفة...وغيره وغيره من طرق تفاعلية وحيوية.

وبعد كل هاد الجهد توجوا هاد بالمرحلة بمبادراتهم المجتمعية اللي عالجت قضاياهم اللي حددوها بطريقة تشاورية، واللي كانت زي محاكاة لمشروع التخرج وفي كل هادي التفاصيل والمراحل كانوا هم ربان السفينة.

لهيك حابين نعلن عن انطلاق السنة الثانية من الجامعة الشعبية واللي من خلالها ر ح نكتشف دورنا الفعلي في عملية التعلم من خلال مسارات نظرية وأخرى تطبيقية، وكمان رح نتعلم من بعض ومع بعض، عن التغيير، عن حقوق الانسان، عن القرارات الدولية يلي بتوفر النا الحماية والمشاركة، وبتساعدنا ندافع عن حقوقنا ونفهم منظومة القيم والحقوق العالمية والمحلية اللي بتهتم بالمرأة والشباب على وجه التحديد، وكمان رح نتعلم كيف نستثمر مواردنا وقدراتنا في معالجة احتياجات مجتمعاتنا وحل المشاكل اللي بتواجههم، وكيف نوصل صوتنا لكل حد اله علاقة بمشاكلنا واحتياجاتنا، وكل هذا عشان نقدر نفكر بشكل مختلف ومبدع ونساعد بقوة في تغيير المجتمع ليكون أفضل.

إقـرأ أيضاً (مقالات مقترحة)

* وظيفة محاسب - بلدية غزة
* دورة مجانية لكلا الجنسين - امديست
* وظائف متعددة - ردهة مطاعم فلوريا
* وظائف بعدة مجالات - كلية فلسطين التقنية
* توظيف مهندس تطوير برمجيات - بلدية غزة
* مطلوب مندوب مبيعات للعمل في شركة خاصة
* توظيف أخصائية تربية وتأهيل - مركز عمر للتربية الخاصة والتأهيل
* مطلوب مدربين وموجهين من كلا الجنسين - حاضنة الأعمال والتكنولوجيا


إذا كنتم مهتمين بالفكرة خلينا نكمل كيف ممكن تنضم للجامعة الشعبية.
بالأول: المعلومات اللي لازم تعرفوها.
- عدد الفرص المتاحة: الفرص محدودة من (25-30) شخص بحد أقصى.
- مدة الانضمام: 9 أشهر.
- عدد الساعات: (150) ساعة تعلم، فيها نظري وتطبيقي بس التطبيقي أكثر.
- الجدية: قبولك في الجامعة معناه إنك أخذت فرصة متاحة لهيك مهم كثير كثير الالتزام والانضباط طول الفترة المحددة.

إقرأ المزيد (مواضيح مقترحة)
* مطلوب مدرب صيانة جوال - مركز الرائد للتدريب والتطوير
* توظيف محاسب - شركة الخليج للصناعات الغذائية والتجارة
* مطلوب مدربين/ـات لغة إنجليزية - مركز ريادة للتدريب والتطوير
* وظيفة مراقب جودة - شركة الخليج للصناعات الغذائية والتجارة
* مطلوب صيدلي للعمل في صيدلية في مدينة غزة حي الرمال
* مطلوب مصمم داخلي - مكتب XYZ للتصميم الداخلي والديكور
* توظيف مراسلون/ مراسلات في قطاع غزة - وكالة انباء "خبر24"
* توظيف معلمين ومعلمات - وزارة التربية والتعليم بالتعاون مع ديوان الموظفين العام

بعد هيك لازم تعرفوا الشروط والمحددات المهمة عشان تفحصوا الأمر قبل ما تقدموا
- مهم تكون من سكان محافظة خانيونس ورفح لأنو هاي منطقة الاستهداف الخاصة فينا.
- إذا عمرك ما بين 18 ل 35 سنة بكون ممتاز.
- لازم يكون عندك دافعية للانضمام والتفاعل وحب للتجربة.
- لازم تكون متفرغ تماما لحضور (150) ساعة معنا.
- مهم يكون عندك تقبل لكل الآراء لأنه كلنا بدنا نتعلم من بعض.
- اذ ما اتيحت الك الفرصة للالتحاق بالجامعة أو استكمال تعليمك هذه فرصتك للانطلاق والالتحاق بالجامعة الشعبية إذا ما كنت مخلص جامعة مش مشكلة خالص، هاي الفرصة مش مشروطة بالتعليم الجامعي.
- إنك تسجل في هاي الفرصة بعطيك أولوية أكبر عند الاختيار.
- أولويتنا المناطق المهمشة والأشخاص ذوي الإعاقة والنساء المناطق المهمشة الها فرصة كبيرة.
- الأشخاص ذوي الإعاقة والأشخاص الأقل حظا بالتعليم بنشجع وجودهم ومشاركتهم بقوة في الجامعة الشعبية.
اذا كنت حابب تنضم معنا في الجامعة الشعبية ممكن تعبي الطلب من خلال الرابط التالي: http://bit.ly/3unkWV6

أو ممكن تشرفونا في شبكة وصال التابعة لجمعية الثقافة والفكر الحر في (خانيونس، الحي الياباني، بجانب روضة الحرية) وتعبوا الطلب هناك بموعد اقصاه الاحد / 28/فبراير/2021.

|| صفحة فيسبوك || جروب فيسبوك || تيلجرام || واتساب ||

ليست هناك تعليقات:

إرسال تعليق

جميع الحقوق محفوظة لمدونة مدونة فرصتي 2021